Nyebut asma kang pinuji
Allahu robby
Tansah amelasi
Marang pribadi
Ugi teng njeng Nabi
Kang anggadahi
Laku budi utami
Mring umat nyafaati
Nyuwun begjo
Nyuwun sekeco
Nyuwun mulyo
Nyuwun sedoyo
Nanging kebak dosa
Nanging kebak cidra
Nanging kebak sio
Nanging kebak suloyo
Ngibadah tan ngerti
Sopo sing dipuji
Jebul memuji
Diri pribadi
Sholat pirang-pirang rakaat
Tan dunung arah kiblat
Tan mapan niat
Asal silit njengat
Laku broto gething dunya
Sing disuwun malah brana
Laku pasa jiwa raga
Sing digolek mulya jaya
Duh Gusti Kang Mahasuci
Tan pegot kalyan puji
Dening sekehing alam abdi
Dados pripun awak niki
Ngetan ngulon mboten genah
Ngalor ngidul tansah was lan owah
Tan ana tan kena hidayah
Tan ana tan kena syafaah
Muji awan wengi
Sujud bengi ora luput
Tangis ra wis uwis
Susah susah susah
Duh Gusti
Kados pundi???
(Sumber : Kitab Teles, Bab Geguritan, Pasal Bingung)
